بقلم : منال مصطفي
متربط بالخيط الملضوم
فى سنين م الخوف
بيعدوا عليه
والذكري اللي بـ قول منسية
وبإبره قديمه تفوت فيا
إبرة عواجيز
أتخيط بالخوف جوايا
اتفرج علي فن التطريز
بتفصلني بدقه وتركيز
وترف الضحكة اللي معايا
رفة تعجيز
فعلا احساس لكن بيغيظ
انا خايف جدا من ابليس
انا واخد توكيل الكوابيس
بيقولوا ده عنده ولاد ياما
وعشيرة … ولا واحد بيموت
بالعكس بتَتَكاثر وتزيد
عفريت بيخالف ميت عفريت
هوه انت عبيط ؟؟
كان مالك اصلا بالعفريت !!
خليك هنا احسلك يا ابني
قام رادد قال :
انا عايز انام
هاتقوم ؟؟ طيب قبله حاسبني
طب عايز كام
اتناشر من غير البقشيش
طب ليه ما تقول
انا شارب ايه؟؟
شكلك اشفور ها تغلبني
كان ناقص انك تشربني
خد خمسة جنية
عمال تطلب مستعجل شاي
وانا رايح جاي
واسمع تفاصيل الخوف جواك
ماعرفش ازاي
طب ليه اصلا تطفح قهوه ؟؟
روح يكش يجيلك علي سهوه
بدل العفريت جن مصدي
ويكون من عا البورصه معدي
وانا رايح …جاى …
